ශ්‍රී ලංකාවේ සියදිවි නසාගැනීම්  මත්ද්‍රව්‍ය භාවිතය නිසා ඇතිවන ව්‍යාකූලතා, විභාග සඳහා මුහුණදීමට ඇති බිය වැනි මානසික ගැටළුන් සඳහා ශ්‍රී ලංකා තරුණ පරපුර සවිබල ගැන්වීමට හැකි අවස්ථාවන් පිළිබඳව අධ්‍යාපන අමාත්‍ය අමාත්‍ය අකිල විරාජ් කාරියවසම් මහතාගේ අවධානය යොමුවී ඇත.

ඊට අදාල මුලික සාකච්ඡාවක් පසුගියදා අධ්‍යාපන අමාත්‍යවරයාගේ ප්‍රධානත්වයෙන් අධ්‍යාපන අමාත්‍යංශයේ දී පැවැත්වීය.

මේ සඳහා පහසුකම් සැපයීමට ඉදිරිපත්ව සිටින කොරියානු ආයතනයක් වන International Youth Fellowship  ආයතනයේ ශ්‍රී ලංකා අධ්‍යක්ෂ H. චෝයී මහතා ඇතුළු දූත පිරිසක්ද එක්වූහ.

ජාතික අධ්‍යාපන ආයතනය හා විද්‍යා පීඨ සම්බන්ධ කරගනිමින් මුලිකව ගුරුවරුන් පුහුණු කිරීම තුළින් දැනුම හා ආකල්ප ප්‍රවර්ධනය කිරීම මෙම වැඩසටහනේ ප්‍රධාන අරමුණ වෙයි. ඒ වෙනුවෙන් පුහුණු පාඨමාලා සැකසීම, විෂය නිර්දේශ සකස් කිරීම වැනි අංශ පිළිබදව මෙහිදී සාකච්ඡා විය.

නිරෝෂා ප්‍රියදර්ශනී