තොරතුරු සමාජගත කළ හැකි ප්‍රමුඛතම මාධ්‍යයක් ලෙස නාට්‍ය කලාව හඳුනා ගැනේ. ඒ අතරින් වීදි නාට්‍ය ප්‍රමුඛ වේ. ඉන්දියාවේ බ්‍රිතාන්‍ය යටත් විජිත සමයේ එරට දේශප්‍රේමී නායකයන් විසින් භාරතීය ජනතාව තුළ දේශානුරාගය ඇති කිරීම සඳහා වීදි නාට්‍ය භාවිත කර ඇත.

ශ්‍රී ලංකාව තුළ ජනතාවට ළමා ආරක්ෂාව පිළිබඳ මතය රැගෙන යාම සඳහා ද “බින්දු, රාණිට යාළුවෙක්” වීදි නාට්‍ය සකසා ඇත. මෙමඟින් සිදුවන්නේ නීතිය නීති පොතට පමණක් සීමා නොවී ඒ පිළිබඳව ජනතාවට අවබෝධය ලබා දීමයි. සාම්ප්‍රදායික දේශන කලාවෙන් මිදී ළමා අපයෝජන වැළැක්වීමේ ක්‍රමවේද පිළිබඳව මෙම නාට්‍ය තුළින් ප්‍රජාව දැනුවත් කිරීම සිදු කරයි. එමෙන්ම අපයෝජනයක් පිළිබඳව දැනුම් දියයුතු අංශ පිළිබඳව ද මෙහි අන්තර්ගතයි.

මේ වනවිට යාපනය, වව්නියාව, කිළිනොච්චිය, අනුරාධපුරය, මහනුවර හා කොළඹ යන දිස්ත්‍රික්කයන්හි නාට්‍ය ප්‍රදර්ශනය කර ඇත. ඉදිරියේ දී දිවයින පුරාම ප්‍රදර්ශනය කරමින් ළමා ආරක්ෂාව පිළිබඳ දැනුම සමාජගත කිරීම අපේක්ෂාවයි.

නිරෝෂා ප්‍රියදර්ශනී