ශ්‍රී ලංකාවේ ධීවර කර්මාන්තය ආශ්‍රීතව දැනුමෙන් මෙන්ම හැකියාවෙන් පිරිපුන් තරුණ පරපුරක් සදහා වෘත්තීය පුහුණුව ලබාදීමට අවශ්‍ය ආකාරයෙන් සාගර විශ්ව විද්‍යාලය සංවර්ධනය සදහා උපකාර කිරීමට තුර්කිය ඉදිරිපත් වි ඇත . ධීවර හා ජලජ සම්පත් සංවර්ධන රාජ්‍ය අමාත්‍ය දිලිප් වෙදආරච්චි, නිපුනතා සංවර්ධන හා වෘත්තීය පුහුණු රාජ්‍ය අමාත්‍ය පාලිත රංගේ බණ්ඩාර යන මහත්වරුන් හා  තුර්කි කර්මාන්ත හා ව්‍යාපාරික සංසදයේ සභාපතිනි NEZAKET EMINE ATASOY මහත්මිය ඇතුළු නියෝජිත කණ්ඩායම අතර නිපුනතා සංවර්ධන හා වෘත්තීය පුහුණු රාජ්‍ය අමාත්‍යංශයේ දී පැවති සාකච්ජාවේදීය .

ධීවර කර්මාන්තය වෘත්තීය මට්ටම දක්වා නගා සිටුවීම වෙනුවෙන් දැනුම හා  තාක්‍ෂණයද සෙසු පහසුකම්ද සැලසීමට තමන් සුදානම් බව  NEZAKET EMINE ATASOY මහත්මිය සදහන් කලාය.

ඉදිරියේදී දෙරට අතර ශිෂ්‍ය හුවමාරු වැඩපිළිවෙලක් ක්‍රියාත්මක කිරීමට පියවර ගන්නා බවද මෙහිදී සදහන් කළ සභාපතිනිය ධීවර ක්ෂේත්‍රය පිළිබද උසස් අධ්‍යාපනය ලබන ශ්‍රී ලාංකික තරුණයන්ට තුර්කියේ උසස්ම විශ්ව විද්‍යාලයක අධ්‍යාපනය හැදෑරීමට අවස්ථාව සලසා දෙන බවට සහතික විය .