මෙවර අධ්‍යයන පොදු සහතික පත්‍ර සාමන්‍ය පෙළ විභාගයට පෙනී සිටින පාසල් අයදුම්කරුවන්ට ජාතික හැදුනුම්පත් නිකුත් කිරීම අප්‍රේල් මාසයේ සිට ආරම්භ පුද්ගලයින් ලියාපදිංචි කිරීමේ කොමසාරිස් කාර්යාලය කටයුතු යොදා තිබේ. ජාතික හැදුනුම්පත් ලබාගැනීමට අවශ්‍ය කෙරෙන විස්තර  සහිත ඉල්ලුම්පත්‍ර මාර්තු මස 31 දිනට පෙර පුද්ගලයින් ලියාපදිංචි කිරීමේ දෙපාර්තමේන්තුවට  ලබාදෙන ලෙස සියලුම විදුහල්පතිවරුන්ට සහ පාසල් අයදුම්කරුවන්ට දෙපාර්තමේන්තුව විසින් විසින් චක්‍රලේඛනයක් මඟින් දන්වා ඇත. වයස අවුරුදු 15 සම්පූර්ණ වී ඇති සිසුන්ට ජාතික හැදුනුම්පත් ලබා ගත හැකිය.

සම්පූර්ණ කරන ලද අයදුම්පත් අයදුම්පත් 2018 මාර්තු  මස 31 දිනට පෙර විදුහල්පතිවරුන් මගින් පුද්ගලයින් ලියාපදිංචි කිරීමේ දෙපාර්තමේන්තුවේ ප්‍රධාන කාර්යලයට එවිය යුතුය. විභාගය ආසන්නව තිබිය දී අයදුම්පත් එවීම නිසා සිසුන්ට ජාතික හැදුනුම්පත් නිකුත් කිරීමේ දී ඇතිවන ප්‍රමාදයන් හා තදබදය මඟහරවා ගැනීමට සහයෝගය දෙන ලෙසද දෙපාර්තමේන්තුව දන්වා ඇත.