කෙන්යාවට බලපෑ නියඟයෙන් වන සතුන් සිය ගණනක් මරුට

2022 දෙසැම්බර් මස 01 ප.ව. 07:52 - {{hitsCtrl.values.hits}}  

දශක ගණනාවකට පසු කෙන්යාවට බලපෑ දීර්ඝතම නියඟය මධ්‍යයේ අලි ඇතුන්, සීබ්‍රාවන් ඇතුළු වන සතුන් සිය ගණනක් මිය ගොස් තිබේ.

කෙන්යාවේ වනජීවී සේවා නියාමකවරුන්, ප්‍රජා බාලදක්ෂයින් සහ පර්යේෂණ කණ්ඩායම් පසුගිය මාස නවය තුළ අලි ඇතුන් 205ක්, සාමාන්‍ය සීබ්‍රාවුන් 381ක්, මී ගවයන් 51ක්, ග්‍රේවී සීබ්‍රාවුන් 49ක් සහ ජිරාෆ් 12ක් මිය ගොස් ඇති බව ගණන් බලා තිබේ.

නියඟය ශාක භක්ෂක ජනගහනයට සහ විශේෂයෙන් සීබ්‍රාවුන්ට අහිතකර ලෙස බලපා ඇත.

ලෝක ආහාර වැඩසටහනේ වාර්තාවලට අනුව පසුගිය අඛණ්ඩ වර්ෂා කාල හතර පුරා අප්‍රිකාවේ අඟ හරහා දිගුකාලීන නියඟය හේතුවෙන් සෝමාලියාවේ, ඉතියෝපියාවේ සහ කෙන්යාවේ ආහාර හිඟයෙන් මිලියන 18ක් පමණ පීඩාවට පත්ව සිටිති.

එක්සත් ජාතීන්ගේ ලෝක කාලගුණ විද්‍යා සංවිධානය පවසන්නේ දශක හතරකට පසු කලාපයේ දීර්ඝතම නියඟය මෙය බවයි.

දින පොත