ගව ඝාතනය තහනම් කිරීම කඩිනම් කිරීමට රජයේ අවධානය යොමුව තිබේ. දේශීය කෘෂිකර්මාන්ත හා දේශීය කිරි නිෂ්පාදනය ඉහළ නැංවීම සඳහා ගව ඝතනය තහනම් කිරීමට හා ඊට අදාළ නිති හා රෙගුලාස මෙන්ම ගව ඝාතනය අදාළව පළාත් පාලන ආයතන විසින් සම්මත කරන ලද අනු නීති සංශෝධනය කිරීමට පසුගිය වසරේ සැප්තැම්බර් 28 පැවැති අමාත්‍ය මණ්ඩල රැස්වීමේදි අනුමැතිය ලබා දී තිබේ.

මේ අනුව

272 අධිකාරිය වන 1893 අංක 9 දරණ ගෝ ඝාතක ආඥාපනත

1958 අංක 29 දරන සත්ත්ව පනත

252 අධිකාරිය වන මහනග ආඥා පනත

255 අධිකාරිය වන නගර සභා ආඥා පනත

1987 අංක 15 දරණ ප්‍රා දේශීය සභා පනත යන පනත් නීති කෙටුම්පත් සම්පාදක විසින් පනත් කෙටුම්පත් කර තිබේ.  එකි පනත් කෙටුම්පත් ආණ්ඩුක්‍රම ව්‍යවස්ථාවේ විධිවිධානයන්ට අනනුකූල නොවන බව නිතිපති විසින් සහතික කර ඇති අතර ඒවා ගැසට් පත්‍ර යේ පළ කිරිමටත් පසුව පාර්ලිමේන්තුව වෙත ඉදිරිපත් කිරිමටත් අග්‍රාමාත්‍යවරයා, රාජ්‍ය සේ්වා පළාත් සභා හා පළාත් පාලන අමාත්‍යවරයා හා කෘෂිකර්ම අමාත්‍යවරයා ඉදිරිපත් කළ ඒකාබද්ධ කැබිනට් පත්‍රකාවට අමාත්‍ය මණ්ඩලයේ අනුමැතිය ලැබී තිබේ.