ලොව පුරා හින්දු බැතිමතුන් මහත් ගෞරවයෙන්, භක්තියෙන් හා උත්සවාකාරයෙන් සමරන දීපාවලී දිනය අදට යෙදි ඇත.  ඉන්දියානු සංස්කෘතික උත්සව අතරින් ප්‍රධාන ස්ථානයක් ගනු ලබන දීපාවලී දිනය හින්දු බැතිමතුන්ගේ වර්ණවත් සංස්කෘතික මංගල්‍යයක් ලෙස සැලකෙයි.

විෂ්ණු දෙවියන් නරගාසුරන් නමැති අසුරයා පරාජය කර ආලෝකය පැතිරවීම සිහිපත් කිරීම දීපාවලී උත්සවයේ අරමුණ වේ. අඳුර පහව ගොස් ආලෝකය උදාවේවා යැයි ප්‍රාර්ථනා කරමින් හින්දු බැතුමතුන් විසින් තම නිවෙස්වල පහන් දල්වා මෙම උත්සවය සැමරීම සිදු කරනු ලබයි.

සැමට සාමය හා සෞභාග්‍ය ප්‍රාර්ථනා කර­මින් බුද්ධ­ශා­සන, ආග­මික හා සංස්කෘ­තික කට­යුතු අමා­ත්‍යාං­ශය මඟින් සංවි­ධා­න කරන ලද ජාතික දීප­වාලි උත්ස­වය ඊයේ (19) හැටන් නග­ර­යේදී පැවැ­ත්විණි. බුද්ධ ශාසන, ආග­මික හා සංස්කෘ­තික කට­යුතු ඇමැති මහා­චාර්ය හිනි­දුම සුනිල් සෙ‍ෙනවි මහ­තාගේ ප්‍රධා­න­ත්ව­යෙන් පැවති මේ ජාතික දීප­වාලි උත්ස­වයේ ප්‍රධාන පූජාව හැටන් ශ්‍රී මාණික්ක පිල්ලෙ­යාර් හින්දු කෝවි­ලේදී ප්‍රධාන පූජ­ක­තු­මන්ගේ ප්‍රධා­න­ත්ව­යෙන් පැවැ­ත්විණි.