ශ්‍රීපාද වන්දනා සමයේදී වන්ද­නා­ක­රු­වන්ට ලන්ච් ෂීට්, සිලි­සිලි මලු, සැෂේ පැකට්, ලීට­ර­යට අඩු තනි භාවිත ප්ලාස්ටික් ජල බෝතල් හා බීම බෝතල් ඇතුළු නොදි­රන ද්‍රව්‍ය රැගෙන ගෙන යෑම සම්පූ­ර්ණ­යෙන් තහ­නම් කිරී­මට කැබි­නට් අනු­මැ­තිය හිමිව ඇත.

වන්දනා සමය තුළ එකී ප්‍රදේ­ශයේ පොලි­තින් සහ ප්ලාස්ටික් භාවි­තය අවම කිරීම උදෙසා 2025 වසරේ සිට පරි­සර අමා­ත්‍යාං­ශය විසින් මෙම පිය­වර අනු­ග­ම­නය කරනු ලබන බව පරි­සර ඇමැති වෛද්‍ය ධම්මික පට­බැඳි මහතා කළ යෝජ­නා­වට අනු­මැ­තිය ඇබී ඇත.

තහ­න­ම­කට ලක් කර ඇති පොලි­තින් අමු­ද්‍ර­ව්‍ය­යක් ලෙස යොදා නිෂ්පා­දිත ආහාර දව­ටන (ලන්ච් ෂීට් ආදිය), අධි ඝන­ත්ව­යෙන් යුත් පොලි­එ­ල­තීන් මඟින් නිෂ්පා­දිත බහා­ලුම් (සිලි­සිලි මලු), ප්‍රසා­රිත පොලි­ස්ට­යි­රි­න්ව­ලින් නිෂ්පා­දිත තනි භාවිත ආහාර බහා­ලුම්, තනි භාවිත බීම බට, කල­තන, තනි භාවිත පිඟන් කෝප්ප, හැඳි, ගෑරුප්පු හා පිහි මෙම ප්‍රදේ­ශයේ විකි­ණීම හෝ වන්ද­නා­ක­රු­වන් විසින් රැගෙන යාම සම්පූ­ර්ණ­යෙන් තහ­නම් බව ඇමැ­ති­ව­රයා කියා සිටි­යේය.

පොලිතීන් ආව­රණ සහ ඇසු­රුම් සහිත ආහාර පාන, ඖෂධ හෝ අනෙ­කුත් බඩු භාණ්ඩ කිසි­වක් පාරි­ස­රික අධි­සං­වේදී කලා­පයේ බැහැර කිරීම තහ­නම් කළ බවද ඒ මහතා කීවේය.

ශ්‍රීපාද අඩ­විය වන සත්ව හා වෘක්ෂ­ලතා ආර­ක්ෂණ ආඥා­ප­නත මඟින් ආව­ර­ණය වන අධි­සං­වේදී කලා­ප­යක් වන අතර එම ප්‍රදේ­ශයේ කසළ කළ­ම­නා­ක­ර­ණය කාලීන අව­ශ්‍ය­තා­වක් පව­තින බව හෙතෙම පැව­සීය.