ශිෂ්‍යත්වය කඩිනමින් අහෝසි කිරීමට සැලැස්මක් නෑ

5 ශ්‍රේණිය ශිෂ්‍යත්ව විභාගය කඩිනමින් අහෝසි කිරීමට ආණ්ඩුවට සැලැස්මක් නොමැති බවත්, කෙසේ වෙතත් එම විභාගයේ පීඩනය අඩු කිරීමට වන පියවර 2028 හෝ 2029 වන විට ක්‍රියාත්මක කරන්න බලාපොරොත්තු වන බවත් අධ්‍යාපන, උසස් අධ්‍යාපන සහ වෘත්තීය අධ්‍යාපන අමාත්‍ය, අග්‍රාමාත්‍ය ආචාර්ය හරිනි අමරසූරිය පැවසීය.

වාචික පිළිතුරු අපේක්ෂාවෙන් සමගි ජන බලවේගයේ පාර්ලිමේන්තු මන්ත්‍රී රෝහිණි විජේරත්න මහත්මිය අද (04දා) පාර්ලිමේන්තුවේදී යොමු කළ ප්‍රශ්නයකට පිළිතුරු ලබා දෙමින් අග්‍රාමාත්‍යවරිය මේ බව සඳහන් කළාය.