සබරගමු පළාතේ පාසල් විසි එකක සුහුරු පංති කාමර තිහක් ආරම්භ කිරීමට කටයුතු කර ඇතැයි සබරගමු පළාත් ආණ්ඩුකාර ටිකිරි කොබ්බෑකඩුව මහතා ඊයේ (21දා) සදහන් කළේය.

ඒ මහතා මේ බව සඳහන් කළේ මෙනේරිපිටිය සබරගමුව අධ්‍යාපන, පර්යේෂණ හා පුහුණු මධ්‍යස්ථානයේ පැවති දැනුවත් කිරීමේ සහ උපකරණ බෙදා දීමේ වැඩසටහනකට එක් වෙමිණි.

සාමාන්‍ය අධ්‍යාපන නව්‍යකරණ ව්‍යාපෘතිය යටතේ ක්‍රියාත්මක ඉංග්‍රීසි ගණිත ක්‍රියාකාරකම් වලට අදාලව මෙම ව්‍යාපෘතිය ක්‍රියාත්මකය.

මේ යටතේ පාසල් 21 ක් සදහා ලැප්ටොප් වර්ගයේ පරිගණක 800ක් ඇතුළු සෙසු උපකරණ ප්‍රදානය කිරීමක් ද  සිදු විය.

මෙම අවස්ථාවට නියෝජ්‍ය ප්‍රධාන ලේකම් ආර්.රංජිත්, පළාත් අධ්‍යාපන ලේකම් සුජානී විජේතුංග, පළාත් අධ්‍යාපන අධ්‍යක්ෂ සේපාල කුරුප්පුආරච්චි යන මහත්ම මහත්මීන් ඇතුළු පිරිසක් සහභාගි වූහ