ශ්‍රී ලංකාවේ 69 වන ජාතික නිදහස් දින සැමරුම් උළෙල අද (04) පෙරවරුවේ ජනාධිපති මෛත්‍රීපාල සිරිසේන මහතාගේ ප්‍රධානත්වයෙන් කොළඹ ගාලු මුවදොර පිටියේදී මහත් අභිමානවත් ආකාරයෙන් පැවැත්වුණි.

"ජාතික සමගිය" මෙවර ජාතික නිදහස් දින තේමාව විය. උත්සව භූමියට පැමිණි ජනාධිපතිතුමා සහ ජනාධිපති ආර්යා ජයන්ති සිරිසේන මැතිණිය සමග ජනපති පුත් දහම් සිරිසේන මහතාද පැමිණියහ, අග්‍රාමාත්‍ය රනිල් වික්‍රමසිංහ මහතා සහ ස්වදේශ කටයුතු අමාත්‍ය වජිර අබේවර්ධන මහතා විසින් පිළිගනු ලැබූ අතර අනතුරුව ජනාධිපතිතුමා විසින් ජාතික ධජය එසවීමෙන් උත්සව සභාවේ වැඩකටයුතු ආරම්භ කෙරිණි.

කොළඹ පාසල් 11 කට අයත් සිංහල, දෙමළ සහ මුස්ලිම් පාසල් දරුවන් එක්ව ජාතික ගීය ගායනා කළ අතර ආරක්ෂක අංශ ඉදිරිපත් කළ ආචාර පෙළපාලියෙන් ද හමුදා සංදර්ශනයෙන් ද නිදහස් උළෙල විචිත්‍රවත් කෙරිණි.

ජාතික නිදහස් දිනය වෙනුවෙන් ආචාර වෙඩි මුර පිරිනැමීම ද සිදුකෙරිණ.

ඡායාරූප සුදත් සිල්වා- ජනාධිපති මාධ්‍ය අංශය