අක්මීමන අධ්‍යාපන කලාපයේ මැලැගොඩ ශ්‍රී විමලජෝති දහම් පාසලේ 2018 වර්ෂය සඳහා තේරී පත්වූ ශිෂ්‍යනායක, නායිකාවෝ 36 දෙනෙක් පසුගියදා දිවුරැම් දුන්හ.
මැලැගොඩ ශ්‍රී විමලජෝති දහම් පාසලේ ප්‍රධාන ආචාර්ය බෝ සෙවණ දහම් විහාරයේ විහාරාධිපති, රත්නපුර ප්‍රාදේශීය ලේකම් කාර්යාලයේ බෞද්ධ කටයුතු සමායෝජක අක්මීමන වංගීස හිමිපාණන්ගේ පූර්ණ කැපවීමෙන් උලෙළ සංවිධානය කෙරිණි.
මෙම අවස්ථාවට දකුණු පළාත් අධ්‍යාපන අධ්‍යක්ෂිකා අනුරැද්ධිකා කලෙහෙවත්ත මෙනවිය, ගා/ කලහේ ශ්‍රී සුමංගල ද්විතියික මහා විද්‍යාලයේ විශ්‍රාමික විදුහල්පති චන්දන ගුණරත්න මහතා හා දායක සභාවේ නිලධාරි මණ්ඩලය, දහම් පාසල් සංවර්ධන සමිතියේ නිලධාරි මණ්ඩලය ඇතුළු විශාල පිරිසක් සහභාගි වූහ. බෝ සෙවණ පෙර පාසලේ නර්තන කණ්ඩායමේ දරැ දැරියෝ උත්සවය වර්ණවත් කළහ.
(ගාල්ල මැලැගොඩ තුෂාරි ප්‍රේමරත්න)