මත්ද්‍රව්‍යවලින් දුරස්ව සිටීමට හා ළමා ආරක්ෂාව ගැන පාසල් සිසුන්  හා මවුපියන් දැනුම්වත් කිරීමේ වැඩසටහනක්, නිකවැරටිය මුස්ලිම් මහා විද්‍යාලයේදී පසුගියදා පැවැත්වුණි.
නිකවැරටිය කොට්ඨාස භාර පොලිස් අධිකාරි සංජීව බණ්ඩාර මහතා එම දේශන පැවැත්වීය. මත්ද්‍රව්‍ය භාවිතයට ඇබ්බැහි වීමෙන් විය හැකි විනාශය හා එවිට මුහුණපෑමටවිය හැකි තත්ත්වය පිළිබඳව මෙහිදී පැහැදිලි කෙරිණි.
ළමා අපයෝජන වලින් මිදීමටත්,එවන් අවස්ථාවලදී ක්‍රියා කළයුතු ආකාරයත්  තම ආරක්ෂාවට තර්ජනයක් වන අවස්ථාවක ආරක්ෂා විය යුතු ආකාරය හා එවැනි අවස්ථා ගැනත් පාසල් සිසුන් දැනුම්වත් කෙරැණි.
දරැවන්ගේ ආරක්ෂාව ගැන  මාපියන් ක්‍රියා කළයුතු ආකාරය ගැනද, මෙහිදී දැනුම්වත් කෙරිණි.
(නිකවැරටිය - ප්‍රියානි මංගලිකා)