මැදගම ද්විතීක පාසලේ නව තාක්ෂණ පීඨය  ඊයේ (10දා) පස්වරුවේ ජනාධිපති මෛත්‍රීපාල සිරිසේන මහතා අතින් සිසු අයිතියට පැවරිණි. 

නව තාක්ෂණ පීඨය සිසු අයිතියට පැවරූ ජනාධිපතිතුමා එහි නිරීක්ෂණ චාරිකාවක ද නිරත වූ අතර පාසල සඳහා පංති කාමර 08 ක නව ගොඩනැගිල්ලක් ඉදිකරදෙන බවට ද දරුවන්ට පොරොන්දු විය. 

සිසු දරුවන්ගේ නිර්මාණ රැසක් ද ජනාධිපතිවරයාට ඉදිරිපත් කෙරුණු අතර විද්‍යාලයේ 13 වසරේ ධනුෂ්ක අඹන්ගල්ල සිසුවා විසින් නිර්මාණය කරන ලද අත්ට්‍රැක්ටරයක් ද ජනාධිපතිවරයාගේ ඇගයීමට ලක් විය.

විදුහල්පති ආර්.එම්. ශාන්ත මහතා ඇතුළු ආචාර්ය මණ්ඩලය සහ දෙමාපියන්  මෙම අවස්ථාවට එක්ව සිටියහ. 

නිරෝෂා ප්‍රියදර්ශනී