නුවරඑළිය යහපත් එඩේරාගේ බාලිකා මහ විදුහලේ 12 ශ්‍රේණියේ වානිජ අංශයේ අධ්‍යාපනය ලබන හිරන්‍යා තත්සරණි නෙත්තසිංහ සිසුවිය 2018 සමස්ත ලංකා පාසල් සංගීත තරගාවලියේ ජ්‍යෙෂ්ඨ අංශයේ වයලීන වාදනයෙන් ද එස්රාජ් වාදනයෙන් ද ප්‍රථම ස්ථාන හිමිකර ගැනුමට සමත් වූවාය.
වයලීනයට කුසලතා දක්වන හිරන්‍යා 2013 වසරේ සිට සමස්ත ලංකා පාසල් සංගීත තරගාවලියට එක්වූ සිසුවියක් වේ. 2014 වසරේ කනිෂ්ඨ අංශයෙන් වයලීන් වාදනයේ තුන්වැනි ස්ථානය ද 2016 – 2017 වසරවල දී ජ්‍යෙෂ්ඨ අංශයෙන් වයලීන් වාදනයෙන් දෙවැනි ස්ථානය ද හිමිකර ගැනීමට ද හිරන්‍යා සමත්විය.
නුවරඑළිය යහපත් එඩේරාගේ බාලිකා මහ විදුහලේ විදුහල්පතිනි ගරැ මේරි නිලංකා ද සිල්වා කන්‍යා සොයුරියගේ මෙහෙයවීම මත සංගීත ආචාරිනි දේවිකා කුමාරි, හිරන්‍යාගේ සංගීත ආචාරිනිය වේ.
(නුවරඑළිය ෂෙල්ටන් හෙට්ටිආරච්චි)