බස්නාහිර පළාත් ආර්ථීක ප්‍රවර්ධන විදුලිබල හා බල ශක්ති  පරිසර කටයුතු ජලසම්පාදන සහ සංචාරක කටයුතු පිළිබඳ අමාත්‍යාංශය සංවිධානය කළ සොබා සිත් රෑ චිත්‍ර පොස්ටර් හා ඡායාරෑප තරගයෙන්   කළුතර දිස්ත්‍රික්කයේ පළමු තැන දිනාගැනීමට  මතුගම ආනන්ද ශාස්ත්‍රාල ජාතික පාසලේ  ප්‍රාථමික අංශයේ සිසු සිසුවියෝ සමත්වූහ. එම සිසු සිසුවියන් 14 දෙනකු ඇගයීමට ලක්කරමින්  සහතිකපත් සහ සමරැතිළිණ ප්‍රදානය බස්නාහිර පළාත් සෞන්දර්ය නිකේතනයේදී සිදු කර තිබුණි.
ආනන්ද ශාස්ත්‍රාලීය ජාතික පාසල වෙනුවෙන් තිමාල විජේසිංහ, අමා සේසදි, ලිමන්යා සිත්මලි ,සිනෙත්මා මුණසිංහ, නින්නදී චමත්සරා,සඳිති තසාරා, නිපුනි නිවන්‍යා, පුදම්සා සෙනුලි, ඩිනුකි ඩිනාරා ,  මලීෂා පාරමී , සඳුන් වත්සල, ජනනි කාවින්දි , ලිතුලි ලිතුම්යා, වර්ෂා රාජපක්ෂ යන සිසු සිසුවියෝ මේ සඳහා නිර්මාණ ඉදිරිපත් කළහ. විද්‍යාලයේ විදුහල්පති රන්දුනු ජයලත් සහ එස්. ඒ. ප්‍රේමදාස යන විදුහල්පතිවරැන්ගේ මගපෙන්වීම යටතේ ගයනි ජයවර්ධන මහත්මිය සිසු දරැවන් මේ සඳහා යොමු කර තිබුණි.