ශ්‍රි ලංකා පාසල් නෙට්බෝල් සංගමය නෙස්ලේ ලංකා සමාගමේ අනුග්‍රහය යටතේ වාර්ෂික සංවිධානය කරන මයිලෝ කුසලාන සමස්ත ලංකා පාසල් නෙට්බෝල් තරගාවලියේ දී (2016) ළමුන් දහසකට අඩු පාසල් අතර බී කොටසේ වැඩි දක්ෂතා දැක්වීමට මාතලේ බණ්ඩාරපොළ  මහා විදුහල් කණ්ඩායම් සමත්වුහ. පසුගියදා මාතරදී පැවති මෙම තරගාවලියේ දී බණ්ඩාරපොළ මහ විදුහල් වයස අවු 16න් පහළ ශුරතාව, 14න් පහළ අනු ශුරතාව සහ 18න් පහළ තෙවැනි ස්ථානය හිමිවුහ. විදුහල මෙවර මෙම ජයග්‍රහණයන් සමග මයිලෝ කුසලාන සමස්ත ලංකා පාසල් නෙට්බෝල් තරගාවලියක දී බි කොටසේ වයස් කාණ්ඩ තුන යටතේම ජයග්‍රහණ දිනු දිවයිනේ මුල්ම පාසල බවට ද පත්විය.

2015 හා 2016 යන වසර දෙක තුලදීම බි කොටසේ වයස අවුරුදු 16න් පහළ ශුරතා බණ්ඩාරපොළ මහ විදුහලට හිමිවීමද විශේෂත්වයකි. මෙලෙස සුවිශේෂි දක්ෂතා දැක්වු විදුහල් නෙට්බෝල් පුහුණුකාරිනී විද්‍යාලයේ ක්‍රීඩා උපදේශිකා ක්‍රිෂ්ණි ජානකි සිරිවර්ධන මහත්මියයි.

(මාතලේ විශේෂ මහේෂ් කිර්තිරත්න)

වැඩි විස්තර සඳහා විජය ළමා පුවත්පත බලන්න