ලොව පුරා හීලියම් සැපයුම වේගයෙන් පහළ යමින් පවතින වටපිටාවක ටැන්සානියාව ආශ්‍රිතව විශාල හීලියම් ගෑස් නිධියක් හමුවී ඇති බව විද්‍යාඥයෝ පවසති.

රෝහල් ආශ්‍රිත MRI ස්කෑන් යන්ත්‍ර, අභ්‍යවකාශ යානා හා විකිරණ නිරීක්ෂණ කටයුතු සඳහා හීලියම් යොදාගන්නා අතර, දැනට ඉන්ධන හා ගෑස් ලබාගැනීම සඳහා සිදුකරන කැණීම්වලදී ඉතා අවම වශයෙන් හීලියම් වායුව එකතු කර ගැනීමක් සිදුවෙයි.

ඒ අනුව, මෙම නව ගවේෂණයක් තුළින් ටැන්සානියාවේ, නැගෙනහිර අප්‍රිකානු රිෆ්ට් නිම්නයේදී මෙම හීලියම් නිධිය සොයාගැනීමට විද්‍යාඥයෝ සමත්ව සිටිති. ඔවුන් විශ්වාස කරන ආකාරයට මෙහි පවතින හීලියම් MRI ස්කෑනර් යන්ත්‍ර මිලියනයක් සඳහා භාවිත කළ හැකි තරම් ප්‍රමාණයක් පවතින බවද කියැවෙයි.