දකුණු අප්‍රිකානු ක්‍රිකට් කණ්ඩායමේ හිටපු සාර්ථකම වේග පන්දු යවන්නෙකු වන අැලන් ඩොනල්ඩ් මහතා ශ්‍රී ලංකා ක්‍රිකට් කණ්ඩායම හා කෙටි කාලීනව එකතු වි තිබේ. එංගලන්තයේ හා වේල්සයේ පැවැත්වෙන ශුරයන්ගේ කුසලාන ක්‍රිකට් තරගාවලියේදී ශ්‍රී ලංකා කණ්ඩායමේ වේග පන්දු යවන උපදේශකයෙකු ලෙස ඔහු කටයුතු කරනු ඇත.

මාස දෙකක කාලයක් සඳහා ඔහු මෙසේ ශ්‍රී ලංකා කණ්ඩායම හා එක්ව තිබේ. ඇලන් අද (1දා) ශ්‍රී ලංකාවට පැමිණීමට නියමිතය. ඉන් අනතුරුව ඔහු ශ්‍රී ලංකා කණ්ඩායම හා පුහුණුවීම් ආරම්භ කරනු ඇත.

 චමින්ද වාස්, ණුවන් සොයිසා. රවීන්ද්‍ර පුෂ්පකුමාර හා චම්පක රාමනායක යන ශ්‍රී ලංකා ක්‍රිකට් ආයතනලේ වේග පන්දු යවන පුහුණුකරුවන් ඇලන් හා සමීපව කටයුතු කිරිමට නියමිතය. එළැඹෙන 9 දා පල්ලේකැලේ පිටියේදී ශ්‍රී ලංකා ක්‍රිකට් කණ්ඩායම එක්වෙන පුහුණු සැසි සඳහාද ඇලන් එක්වීමට නියමිතය.

නිරෝෂා ප්‍රියදර්ශනී