ශ්‍රී ලංකා ක්‍රිකට් ආයතනයේ නව සභාපතිවරයා ලෙස ශම්මි සිල්වා මහතා වැඩි ඡන්දයෙන් තේරීපත් විය. ශ්‍රී ලංකා ක්‍රිකට් ආයතනයේ නිලවරණය මේ වන විට ක්‍රීඩා අමාත්‍යාංශ ඩන්කන් වයිට් ශ්‍රවණාගාරයේදී පැවැත්වේ. මෙහිදී  ශම්මි සිල්වා මහතා ඡන්ද 83 ක් ලබාගැනීමට සමත් විය. ජයන්ත ධර්මදාස මහතාට ඡන්ද 56 ක්හිමිවිය. උප සභාපතිවර ලෙස රවීන් වික්‍රමරත්න (82) සහ කේ. මතිවානන් (80) වැඩි ඡන්දයෙන් තේරීපත් වූහ. අර්ජුන රණතුංග මහතා ඡන්ද 78 ක් ලබාගත්තේය.

ලේකම් ලෙස මොහාන්ද සිල්වා තේරි පත්විය. ඔහු තිලංග සුමතිපාල පාර්ශ්වයෙන් තරග කෙරිණි. රණතුංග පාර්ශ්වයෙන් තරග කළ හිටපු ලේකම් නිශාන්ත රණතුංග මහතා මොහාන් ද සිල්වා මහතා හමුවේ පරාජයට පත්විය. මොහාන්ද සිල්වා ඡන්ද 96ක් ලබාගන්නා විට නිශාන්ත රණතුංග මහතාට ලබාගත හැකිවූයේ ඡන්ද 43ත් පමණි. ඒ අනුව සභාපති, උපසභාපති හා ලේකම් තනතුරු සියල්ලම සුමතිපාල පාර්ශ්වය විසින් හිමිකර ගනු ලැබීය. 

නව භාණ්ඩාගාරික ලෙස ලසන්ත වික්‍රමසිංහ මහතා පත්විය.  ඔහු ඡන්ද 102ක් ලබාගනිමින් එම තනතුරට පත්වූ අතර ඊස්ට්මන් නාරංගොඩ මහතා ඡන්ද 33ක් ලබාගනිමින් පරාජයට පත්විය.