කොල්කටා ඊඩ්න් ගාඩ්න්ස් පිටියදී කොල්කටා නයිට් රයිඩර්ස් කණ්ඩායම හා සන්රයිසස් හයිද්‍රාබාද් කණ්ඩායම අතර ඊයේ (15දා) පැවැති තරගයේ ජය නයිට් රයිඩර්ස් කණ්ඩායමට හිමිවිය.

 ඉන්දීය සුපිරි නළු ශාරුක් ඛාන් සම හිමිකාරිත්වය දරණ කොල්කටා කණ්ඩායම මුලින්ම පන්දුවට පහර දෙමින් ලකුණු 172ක් රැස්කළේය. එයට පිළිතුරු ලෙස හයිද්‍රාබාද් කණ්ඩායමට රැස්කිරීමට හැකි වූයේ ලකුණු 155ක් පමණි.

කොල්කටා කණ්ඩායම වෙනුවෙන් ලකුණු 68ක් රැස්කළ රොබින් උතප්පා තරගයේ වීරයා ලෙස සම්මාන ලැබීය. මෙම තරගයේ ජයත් සමගින් ප්‍රසාද ලකුණු සටහනේ පෙරමුණ ගැනීමටත් කොල්කටා කණ්ඩායම සමත්විය.

නිරෝෂා ප්‍රියදර්ශනී