ශ්‍රී ලංකා ක්‍රිකට් ආයතනය ඩයලොග් සමාගම හා එක්ව සංවිධානය කරන ඩයලොග් ශ්‍රී ලංකා ක්‍රිකට් සම්මාන උළෙලේ වසරේ ජනතාවගේ ක්‍රීඩාකයා ලෙසින් ශ්‍රී ලංකාවේ හිටපු නායක තිලකරත්න ඩිල්ෂාන් සම්මාන ලැබීය. ඒ අනුව වසර හයක් පිට පිටම අඛණ්ඩව ජනතාවගේ ක්‍රීඩකයා ලෙසින් සම්මාන ලැබූ කුමාර් සංගක්කාරගේ වාර්තාව බිදවැටුණු.

වසරේ ක්‍රිකට් ක්‍රිඩකයා ලෙසින් නායක ඇන්ජලෝ මැතිව්ස් සම්මාන ලැබීය. ඔහුට සම්මාන තුනක් හිමිවිය. මෙම උත්වසයේ විශේෂිත ආරාධිත අමුත්තා වශයෙන් පාකිස්තායේ හිටපු වේග පන්දු යවන ක්‍රීඩක වසීම් අක්‍රම් එක්ව සිටියේ.

ක්‍රීඩා අමාත්‍ය දයාසිරි ජයසේකර, ක්‍රිකට් සභාපති තිලංග සුමතිපාල හා ක්‍රිකට් ක්‍රීඩක ක්‍රීඩිකාවන්ගේ සහභාගිත්වයෙන් මෙම සම්මාන රාත්‍රිය ඊයේ (30දා) බත්තරමුල්ල වෝටර්ස් එජ් හෝටලයේදී පැවැත්විණ.

අනෙකුත් සම්මාන

වසරේ එක්දින පන්දු යවන්නිය - ඉනෝකා රණවීර

වසරේ තුන් ඉරියව් ක්‍රීඩිකාව - ශෂිකලා සිරිවර්ධන

වසරේ එක්දින පිතිකරිණිය - චමරි අතපත්තු

සරේ විස්සයි20 පන්දු යවන්නා - ලසිත් මාලිංග 

වසරේ විස්සයි20 පිතිකරු - තිලකරත්න ඩිල්ෂාන්

වසරේ එක්දින තුන්ඉරියව් ක්‍රීඩකයා - ඇන්ජලෝ මැතිව්ස් 

එක්දින පන්දු යවන්නා- ලසිත් මාලිංග

වසරේ එක්දින පිතිකරු - කුමාර් සංගක්කාර

වසරේ තුන් ඉරියව් ටෙස්ට් ක්‍රීඩකයා - ඇන්ජලෝ මැතිව්ස්

වසරේ දක්ෂතම ටෙස්ට් පන්දු යවන්නා - රංගන හේරත්

වසරේ ටෙස්ට් පිතිකරු - දිනේෂ් චන්දිමාල්

වසරේ නැගී එන ක්‍රිකට් ක්‍රීඩකයා - කුසල් මෙන්ඩිස් 

වසරේ ඩයලොග් ජනතාවගේ ක්‍රීඩකයා - තිලකරත්න ඩිල්ෂාන්

වසරේ ඩයලොග් ක්‍රිඩකයා - ඇන්ජලෝ මැතිව්ස් (තුන්වැනි වතාවට)