ලෝකයේ රටවල් 11කදී ටෙස්ට් ශතක වාර්තා කළ එකම ක්‍රිකට් ක්‍රීඩකයා වශයෙන් පාකිස්තානයේ යුනිස් ඛාන් අද (05දා) ඉතිහාසයට එක්විය. ඒ පාකිස්තාන කණ්ඩයාම හා ඔස්ට්‍රෙලියා කණ්ඩායම අතර සිඩ්නි පිටියේ පැවැත්වෙන ටෙස්ට් තරගයේ ඔහු වාර්තා කළ ශතකයත් සමගිනි.

අයි.සී.සී. පූර්ණ සාමාජික රටවල් 10 හා එක්සත් අරාබි එමීර් රාජ්‍යයේදී යුනිස් සිය ශතක වාර්තා කර තිබේ. මීට ඉහතදී ඉන්දියාවේ රාහුල් ඩ්‍රාවිඩ් අයි.සී.සී. පූර්ණ සාමාජික රටවල් 10දී ශතක වාර්තා කර තිබුණි.

සිය 115වැනි ටෙස්ට් තරගයට ක්‍රීඩා කරන යුනිස් අද වාර්තා කළේ සිය 34 වැනි ටෙස්ට් ශතකය වෙයි. නමුත් ඔහු වාර්තා කර ඇති ටෙස්ට් අර්ධ ශතක ප්‍රමාණය 32කි.

නිරෝෂා ප්‍රියදර්ශනී