සංචාරක ශ්‍රී ලංකා කණ්ඩායම හා සත්කාරක නවසීලන්ත කණ්ඩායම අතර ක්‍රයිස්චර්ච් හි පැවැත්වෙන දෙවැනි ටෙස්ට් තරගයේ සිය දෙවැනි ඉනිම ක්‍රීඩා කළ නවසීලන්ත කණ්ඩායම කඩුලු 4ට ලකුණු 585ක් රැස්කරමින් සිය ඉනිම අත්අහිටුවීමට තීරණය කළේය.

ඒ අනුව තරගයේ ජයග්‍රහණය සඳහා ශ්‍රී ලංකාවට ලකුණු 660ක දැවැන්ත ඉලක්කයක් හිමිව තිබේ.

 නවසීලන්ත දෙවැනි ඉනිම ඉනිම වෙනුවෙන් ටොම් ලේතම් (176), මාක් නිකොලොස් (162*) ශතක රැස්කරමින් හා ජේ. ඒ. රාවල් (74), කොලින් ඩි ග්‍රැන්ඩ්‍රෝම් (71*) අර්ධ ශතක රැස්කරමින් පිත්තෙන් දක්ෂතා දැක්වීය.

ශ්‍රී ලංකාව වෙනුවෙන් ළහිරු කුමාර කඩුලු 2ක් දවා ගැනීමට සමත්විය.

ලකුණු 660ක ඉලක්කයක් හඹා යෑම සඳහා පිටියට පිවිසි ශ්‍රී ලංකා කණ්ඩායම තෙවැනි දිනයට තරගය නිමා කරන විට පන්දුවාර 14ක් අවසානයේදී ලකුණු 24ක් රැස්කරගෙන සිටියි. චන්දිමාල් ලකුණු 14ක් හා කුසල් ලකුණු 6ක් රැස්කරමින් නොදැවී පිටියේ රැදී සිටිති