සැප්තැම්බර් මාසයේදී හැංග්ෂුහිදී පැවැත්වීමට නියමිතව තිබූ ආසියානු ක්‍රීඩා උළෙල දින නියමයක් නොමැතිව කල් දැමීමට චීනය කටයුතු කර තිබේ. ඒ චීනය තුළ යළිත් කොවිඩ් නැගිටීමක් වාර්තාවීමත් සමගිනි.

වසංගතයේ මුල් දිනවල සිට චීනය සිය විශාලතම කොවිඩ් -19 පුපුරා යාම නිවා දැමීමට මේ වන විට කටයුතු කරමින් තිබේ.

"2022 සැප්තැම්බර් 10 සිට 25 දක්වා චීනයේ Hangzhou හි පැවැත්වීමට නියමිතව තිබූ 19 වැනි ආසියානු ක්‍රීඩා උළෙල කල් දමන බව ආසියාවේ ඔලිම්පික් කවුන්සිලය නිවේදනය කර ඇත," යනුවෙන් නිල ක්‍රීඩා වෙබ් අඩවියේ ප්‍රකාශයක් චීන මාධ්‍ය වාර්තා කළේය.

තරගාවලිය පැවැත්වෙන නව දිනයෙන් පසුව ප්‍රකාශ කිරීමට නියමිතය.  සත්කාරක නගරය වන Hangzhou පිහිටා ඇත්තේ රටේ විශාලතම නගරය වන ෂැංහයි අසළය.

නැගෙනහිර චීනයේ මිලියන 12 ක නගරයක් වන Hangzhou, ආසියානු ක්‍රීඩා සහ ආසියානු පැරා ක්‍රීඩා සඳහා තරඟ පැවැත්වෙන ස්ථාන 56 ක් පමණ ඉදිකර අවසන් කර ඇති බව සංවිධායකයින් පසුගිය මාසයේ ප්‍රකාශ කළහ.

එම අවස්ථාවේ දී, ඔවුන් පෙන්වා දුන්නේ පෙබරවාරි මාසයේ කොවිඩ්-ආරක්ෂිත බුබුලක පවත්වන ලද බීජිං ශීත ඔලිම්පික් උළෙලේ "සාර්ථක අත්දැකීම් වලින් ඉගෙන ගන්නා" වෛරස් පාලන සැලැස්මක් යටතේ තරගාවලිය පැවැත්වීමට සැලසුම් කර ඇති බවයි.