ඉන්දියාවේ හිටපු අගමැති අතල් බිහාරි වජ්පායි පසුගියදා (16දා) ඉන්දියාවේ, දිල්ලි නුවර AIIMS රෝහලේදී අභාවප්‍රාප්ත වී ඇත. 93 වැනි වියෙහි පසුවූ හිටපු අගමැතිවරයාගේ මරණය වයස සමග ඇති වූ රෝගී තත්ත්වයන් හේතුවෙන් සිදුව ඇති බව රෝහල් ආරංචි මාර්ග පවසයි. භාරතීය ජනතා පක්ෂයේ (බී.ජේ.පී) ආදිකර්තෘවරයෙකු ලෙසද සැලකෙන ඔහු වර්ෂ 1996 සිට 2004 දක්වා කාලය තුළ අවස්ථා තුනකදී එරට අගමැති ධුරය හොබවා ඇති කෘතහස්ථ දේශපාලඥයෙකි. ඉන් නොනැවතී,ගෝලීය න්‍යෂ්ටික බලවතෙකු ලෙස ඉන්දීයාව පෙරමුණට ගත් නායකයෙකු ලෙසද අතල් බිහාරි වජ්පායි ගෞරවයට පාත්‍ර වෙයි.(WMDJBM)