වයස අවුරුදු 16 ට අඩු ළමුන් සඳහා සමාජ මාධ්‍ය තහනම් කළ පළමු රට බවට ඕස්ට්‍රේලියාව පත්විය. ඒ අනුව අදාළ තහනම ඊයේ (09) සිට ක්‍රියාත්මක බව විදෙස් මාධ්‍ය වාර් තා කරයි.

TikTok, YouTube, Instagram, Facebook ඇතුළු විශාලතම සමාජ වේදිකා 10ක් මෙලෙස ළමයින් වෙනුවෙන් අවහිර කිරීමට පියවර ගැනේ.

ඕස්ට්‍රේලියාවේ මෙම පියවර බොහෝ දෙමවුපියන් සහ ළමා උපදේශකයින් විසින් අගය කර තිබේ. 

මේ සම්බන්ධයෙන් අදහස් දක්වමින් ප්‍රවෘත්ති සාකච්ඡාවකදී ඕස්ට්‍රේලියා අගමැති ඇන්තනි ඇල්බනීස් සදහන් කර තිබෙන්නේ මෙම නීතිය බලාත්මකවන දිනය “ආඩම්බර විය හැකි දිනයක්” ලෙසින් හඳුන්වන බවයි.