දොඩන්දුව ගා /කටුදම්පේ මාලාලංකාර ප්‍රාථමික විද්‍යාලයේ  2019 වසර වෙනුවෙන් පත්වූ ශිෂ්‍ය නායක මණ්ඩලය දිවුරැම් දීමේ උත්සවය පසුගියදා පැවැත්වුණි. විදුහල්පති රැක්මන් පණ්ඩිත ගුණවර්ධන මහතාගේ ආරාධනයෙන් ගා/ මාගාල්ල සුධර්මා විද්‍යාලයේ විදුහල්පති කේ .ජී. ඞී. ප්‍රියදර්ශන මහතා ප්‍රධාන අමුත්තා වශයෙන් සහභාගි විය. රත්ගම ප්‍රාදේශීය සභා මන්ත්‍රීවරැ කිහිප දෙනෙක් ,ආසන්න පාසල්වල විදුහල්පතිවරැ, රත්ගම පොලිස් ස්ථානයේ සැරයන් වරයෙක් ද මෙම අවස්ථාවට සහභාගි වූහ. 
බී. එච්. සඳුරශ්මි ආකර්ෂා සිසුවිය ප්‍රධාන ශිෂ්‍ය නායිකාව ලෙස ද, පී. එච්. අරවින්ද රශ්මික සිසුවා ප්‍රධාන ශිෂ්‍ය නායකයා ලෙස ද මෙහිදී දිවුරැම් දුන් අතර පී. කේ. සී මධුමාලි ගුරැ මෙනවිය දිවුරැම් දීමේ ප්‍රතිඥාව ලබා ගත්තාය. සිසු සිසුවියන්ගේ නැටුම් කීපයක් ද වේදිකා ගත කෙරිණි.

(හික්කඩුව විශේෂ අමරසේන විතානගේ)