කිරිඳිවැල මධ්‍ය මහා විද්‍යාලයේ චිත්‍ර විෂය හදාරන ශිෂ්‍ය ශිෂ්‍යාවන්ගේ කුසලතා එළි දැක්විම, දිරිමත් කිරීම මෙන්ම ඇගයීමට ලක්කිරීම අරමුණු කොට ගෙන ‘සිත් රෑ’ චිත්‍ර ප්‍රදර්ශනය පසුගියදා විද්‍යාලයීය ශ්‍රවණාගාරයේදී පවත්වන ලදී. මෙම චිත්‍ර ප්‍රදර්ශනය විවෘත කරමින් විදුහල්පති කිත්සිරි රණසිංහ මහතා කියා සිටියේ මෙවැනි චිත්‍ර ප්‍රදර්ශනයක් සැම වසරකම පැවැත්විමට කටයුතු කරන බවයි. 
ඒ අනුව එම චිත්‍ර දැක්මේ ප්‍රථම අදියර වශයෙන් 6 වසරේ සිට 13 වැනි වසර දක්වා ශිෂ්‍ය ශිෂ්‍යාවන්ගේ නිර්මාණ මෙදින එළි දක්වන ලදී. මෙම උත්සවයේ ආරාධිත අමුත්තා වශයෙන් බස්නාහිර පළාත් සභා මන්ත්‍රී උපාලි ගුණරත්න මහතා සහභාගි විය. ත්‍යාග සහ සහතික ප්‍රදානය ඒ මහතා අතින් සිදු විය. 

(කිරිදිවැල - උපාලි රණවීර)