වැල්ලවත්ත ශාන්ත ක්ලේයාර් බාලිකා විද්‍යාලයේ ජ්‍යෙෂ්ඨ ශිෂ්‍ය නායිකාවන් සඳහා සංවිධාන කෙරැණු ශාරිරීක සුවතා වර්ධන සහ නායකත්ව පුහුණු වැඩමුළුව විද්‍යාලයීය භූමියේ දී පසුගියදා පැවැත්වුණි.
ශිෂ්‍ය නායිකාවෝ 50 කට ආසන්න පිරිසක් මෙම වැඩමුළුවට සහභාගී වූහ. ශ්‍රී ලංකා චීගොංන් සංගමය වැඩමුළුව මෙහෙයවීය.
වසර 4000 ක් පමණ ඉපැරුණි චීන සම්භවයක් සහිත මෙම “චීගොංන්* වැඩසටහන ඔස්සේ සෞඛ්‍ය ප්‍රවර්ධනය, මානසික ඒකාග්‍රතාව වර්ධනය, ධාරණ ශක්තිය වර්ධනය සඳහා සිදුකරනු ලබන ව්‍යායාම් සහ භාවනා ක්‍රම රුසකට එම ශිෂ්‍යාවෝ සහභාගී වූහ. 
මෙම අවස්ථාවට විද්‍යාලයේ විදුහල්පතිනී එම්.ඩී.ඩී.විජිතානි, ජාත්‍යන්තර හෙල්ත් ෂීංගාන් සම්මේලනයේ විධායක සභික සහ ශ්‍රී ලංකා ෂිගෝන් සංගමයේ විධායක ලේඛක අයි.පී.එරංග වීරසිංහ, ශ්‍රී ලංකා හෙල්ත් ෂිගොන් සම්මේලනයේ වෙළෙඳ විධායක සමන් ධම්මික, ශිෂ්‍යනායිකා මණ්ඩලය බාර ආචාර්යවරැන් වන ඉරෝෂා පීරිස්, ශ්‍යාමා නානායක්කාර යන මහත්ම මහත්මීහු ඇතුළු පිරිසක් සහභාගී වූහ.
මෙම කඳවුර පාසල් ශිෂ්‍ය ශිෂ්‍යාවන්ගේ අධ්‍යාපනයට සහය වන්නා වූ ශරීර සුවතාව සංවර්ධනය, අවධානය සංවර්ධනය ඔස්සේ බුද්ධිය සංවර්ධනය සහ ධාරණ ශක්තිය වැඩි දියුණු කිරීම සඳහා ශාන්ත ක්ලේයාර් බාලිකා විද්‍යාලය සහ ශ්‍රී ලංකා චීගොංන් සංගමය විසින් සංවිධානය කෙරිණි.